2010 წლის 20 ნოემბრამდე - „საფარ-ხარაბა“ - ისტორიული სოფელი საქართველოში, ქვემო ქართლის მხარის წალკის მუნიციპალიტეტში. მდებარეობს წალკის ქვაბულში, ბეშქენაშენის ხევის მარცხენა ნაპირზე, ბარეთის ტბის დასავლეთით, წალკის წყალსაცავის ჩრდილო-აღმოსავლეთით, ზღვის დონიდან 1580 მ სიმაღლეზე. წალკიდან დაშორებულია 9 კილომეტრით. 2002 წლის მონაცემებით სოფელში ცხოვრობდა 54 ადამიანი. პირველად მოხსენიებულია XVI საუკუნის ისტორიულ წყაროებში.